موضوع: تذكر اخى تذكرى اختى يوم مكافحه فقر الا طفال اليوم في 1:23 am
--------------------------------------------------------------------------------
يوم وهايعدي، هو يوم عادي جداً هتصحى الصبح وتقوم من على السرير، تغسل وشك، تفطر تروح مدرستك والا جامعتك، ترجع بيتكوا تتغدى وتذاكرلك شوية، تعملك كام تليفون كده وتقعد على النت حبة، وتروح تنام، بس كده خلاص اليوم خلص. في نفس اليوم ده، ناس تانية اليوم ده بالنسبة لهم مش عادي، يوم هيمثلهم طلة أمل، وفجر أماني وأحلام كتيرة نفسهم تتحقق.
اليوم ده
هو 17\10\2008
يوم مكافحة فقر الأطفال، يوم إحنا أحوج الناس للإهتمام بيه والمشاركة فيه، لأن موضوع فقر الأطفال ده بيسبب عبء على ضهر كل أسرة مصرية. تعالوا مع بعض الأول نعرف مين هم الأطفال الفقرا: هم الأطفال اللي محرومين من الموارد المادية والروحية والوجدانية اللازمة للبقاء على قيد الحياة، والنمو، والازدهار، مما يجعلهم عاجزين عن التمتع بحقوقهم، أو إطلاق طاقاتهم الكاملة، أو المشاركة كأفراد كاملين ومتساوين في المجتمع.
يعني الموضوع كبير قوي مش مجرد طفل بيبيع فل في الشارع بس حله في إيدنا مش محتاج مننا غير يوم نفكر فيها إحنا إزاي نقدر نساعد الولاد دول. شوف نفسك تقدر تعمل إيه وإعمله، و لازم تعرف إن آخر حاجة هما محتاجينها هي إنك تديهم فلوس في أيدهم لأن الفلوس مش ممكن تعمل بني آدم إنما البني آدم هو اللي بيعمل الفلوس. عاوز تساعدهم بجد دور على العمل التطوعي، دور على معاملتهم معاملة كويسة، شوف لو تقدر إنت ومجموعة من جيرانك او زمايلك تعلموهم. أقل حاجة لما تشوف أي طفل فقير تعامله كإنسان لأنه فعلا إنسان وملوش ذنب في الظروف اللي أتولد لقى نفسه عايش وسطها. ساعده النهارده عشان يساعدك هو بكره في مستقبل أحسن لبلدنا.
"كن التغير الذي تريد أن تراه في الآخرين" غاندى
[center][b] [center][b]
الأربعاء 08 أكتوبر 2008, 7:28 am