تعالوا جاوبوا امتحان الثانويه العامه ههههههههههههههههههه

لا أعرف من ارسل لى هذا الامتحان لكنه كان امتحانا صعبا بالفعل لكننى احب ان احيى واضعى الامتحان الذين اثبتوا مصريتنا العتيده التليده البليده القادره على تحمل كل شئ واى شئ بما فيه السكن تحت جبل يتهد فوق دماغنا ولما يتهد مفيش اى حاجه تحصل باعتبار كل اللى يجيبه ربنا كويس والحقيقه اننى لم اضع اى اجابه على اسئه الامتحان ولكننى حاولت ان اشارك فى اسئلته فحذفت وأضفت وأرجو ان يغفروا لى غلاستى وعذرى انها لا تقل عن غلاستهم ابداا الامتحان هو امتحان للحصول على الجنسيه المصريه ويشترط على الممتحن (وهو فى الغالب ابن سيده مصريه نذله هو وأمه لانها تزوجت رجلا لا يحمل الجنسيه المصريه على اعتبار ان الذى وضع شروط الجنسيه واد من السبتيه لا يحب لاخته ان تكون مثل القرع وتمد لبره).
يشترط ان يكون معاه كل ادواته اللازمه: قلم رصاص_استيكه صينى(تحسبا لكثره الاخطاء)_اثبات شخصيتك(تذكره اوتوبيس_مفتاح الشقه_كارت تليفون ميناتل_عمله مصريه_اى حاجه)
فى حاله لو احتجت لورقه اجابه زياده اطلب من المشرف مع مراعاه عدم كتابه اسمك عليها(مع ملاحظه ان المصححين يبيكرهو الطالب الرغاى كالسم لكنهنم مع ذلك يمنحونه درجه أعلى)
السؤااااااااااااااااااااال الأول:
اختار من بين الاقواس الكلام الصح:
1_البنت فى مصر بتتحجب..........
(علشان تدخل الجنه_علشات تدخل وتخرج براحتها_علشان تدخل دنيا وتجوز)
2_اللى بنى هرم خوفو..........
(طلعت مصطفى_المقاولون العرب_اعمار_خوفو)
3_اللى بنى مصر كان فى الاصل.............
(حلاق_عرضحالجى_تاجر مخدرات_حلوانى)
4_البرنامج اللى بييجى ع القناه الاولى كل يوم الساعه 7 صباحا ومحدش بيتفرج عليه برنامج صباخ الخير............
(يا ماما_ يا بابا_ياخالو_ياريس_يامصر)
5_مصر هى امى نيلها جوا.........
(بطنى_رجلى_جيبى_دمى)
6_رئيس مصر القادم السيد.............
(جمال مبارك_ابن الرئيس_امين سياسات الحزب الوطنى_السيد النجل)
7_ابو تريكه هو...............
(لاعب كره_شيخ_راجل بركه_قديس)
8_ياحضره العمده ابنك حميده ضربنى بال ...........
(معديه_السفنديه_الميه المعدنيه_المهلبيه)
9_اشهر مغنى مصرى هو سعد ...........
(الكبير_القزعه_الصغير_الطويل)
10_تامر امين ..............
(شرطه_مخزن_بسيونى)
السؤاااااااااااااااااااال الثانى :
أكمل الجمل الاتيه بكلام م الاخر :
1_ انتبه من فضلك السياره ترجع الى .............
2_ماما زمانها ....................
3_من خلال تجاربك السابقه البامبرز أستك منه ...........
4_طلعت أدب نزلت أدب لقيت الدب بيأزأز .............
5_اسم والد اللاعب وائل جمعه الحاج.............
6_وهيلا هيلا هيلا هيلا هو الزمالك...........
7_دا شاب هيهى بيروح و...........
السؤاااااااااااااااااااال الثالث:
ضع علامه صح او علامه غلط امام الكلام الجاى:
1_بابا فين....؟؟ بابا هنا... قوله مين؟؟ قوله عمو()
2_الشرطه دائما فى خدمه الشعب()
3_أذان المغرب فى رمضان بصوت طارق نور()
4_يسرا لا تخطئ ابدا فى مسلسلاتها()
5_الزمالك فريق يحرق الدم()
السؤااااااااااااااااال الخامس علل :
1_مازالت كره القدم هى اللعبه الشعبيه الاولى بالرغم ان احنا ملناش فيها.
2_ذكاء الشعب المصرى الخارق برغم اعتماده على الفول كغذار رئيسى.
3_رئيسنا مبارك ورئيس وزرائنا نظيف ورئيس مجلس الشعب سرور ورئيس الشورى شريف ووزير الشئون القانونيه مفيد وكمان شهاب ومع ذلك مصر زى ما انت شايف.[/size]

ههههههههههههههه امتحان جنان نفسي يجربوا يحطوه في سنة من السنين ويتفرجوا على مسقبل شباب مصر بعد كده
بس بصراحة الامتحان صعب جدا واللي يحله يستاهل يدخل في جينس او على الأقل بالمصري ياخد نوبل
وجزاك الله خير ايها الطائر وننتظر المزيد منك

السلام عليكم ورحمة الله
اخى الفاضل الطير المهاجر
أنا أعترض على هذا الإمتحان
بشده لأن فيه أسئله مش من المقرر
وبعدين ازاى تسأل على رئيس مصر المقبل
وانت عارف ان حسنى مش ناوى يموت
يبقى كده فيه أسئله تعجيزيه عشان كده
انا مش داخل الإمتحان ده
سلام وأشوفك فى الترم الثانى

» الفرق بين امتحان الله وامتحان البشر!!