كنت بأحبك قوي يا ريس لما كان عندي كرامه بره و جوه و لما كنت بتتصرف صح و كنت بأحبك عندما كنت لا تنجرف وراء تيارات معادية لمصر و تجنبنا ويلات و مشاكل كثيرة و كنت بأحبك لما كنت بترعانا و بتخاف علينا و كان القانون بيتطبق بجد و كنت بأحبك لما كانت ريحة الحكومة تظهر كنت بتغيرها و كنت بأحبك لما كنت بتحترم عقلنا و ما بتضحكش علينا بتمثليات هزلية مثل إنتخابات 2005 و ما حدش طلب تعديل الدستور ثم تستخف بعقولنا و كنت بأحبك لما كان فيه ظالم و مظلوم لكن كلها بقت مظاليم و كنت بأحبك لما تفعل بجد و كنت ترد كرامتنا بجد و كنت بأحبك لما قاطعت أوسلو و قلت شعبي عايز كده و كنت هأموت من الخوف عليك في أديس أبابا في محاولة الإغتيال الفاشلة و سلمك الله لنا و لمصر و كنت بأحبك لما كنت بأنام و أنا مطمن و عندي أمل في بكره و كنت بأحبك لما كنت بأشوف أولادي و أنا مطمن على مستقبلهم و كنت بأحبك لما كنت بتزورنا في مختلف المحافظات و تحس مشاكلنا .
ليه يا ريس كل ده راح و لم يتبقى غير الظلم و بقينا بنتبهدل بالقانون و بقى يتفصل الدستور ليقيدنا كأننا أعداء مصر و لسنا أبناؤها .
أنا معك إن المسئولية كبيرة و الغادرين و مريدي تحطيم مصر داخلياً و خارجياً كثير لكن لماذا وضعت الكل في سلة واحدة و لماذا تركت الفساد ينهش في لحم مصر هكذا و لماذا وافقت على تصدير الغاز لإسرائيل و لماذا رضيت الهوان و الذل علينا لما حدث في السودان و لماذا وضعتنا في هذا الموقف اللي خلى كل من هب و دب يتطاول على مصر و لماذا جعلتني أفقد قدرتي على النوم بإطمئنان و لماذا جعلتني أفقد الأمل في بكره و لماذا جعلتني عندما أنظر لأولادي لا أراهم و هم كبار و فقدت رؤيتي لمستقبلهم و لماذا جعلتني قبل كتابة هذه الكلمات أتلو الشهادة و أحتسب أسرتي و أولادي عند الله .
و أقسم بالله لو حصلت إنتخابات شريفة و تقدمت ببرنامج محترم يحترم عقلنا و أعطيتنا الحرية بجد لنختار و نحاسب من يخطئ طبقاً للقانون و الدستور الحقيقي الذي يليق بمصر و الله ساعتها هأختارك بجد لأن رصيدك السابق لدينا كبير و محترم و هأختارك و أنا مبسوط و أنا بحريتي و مصانة أدميتي مش غصب عني فالفارق كبير بين الإجبار و الإختيار .
و أخيراً لماذا أوصلتني لهذه الحالة التي جعلتني أكتب هذا الكلام
الطير المهاجر مراقب المنتدى
عدد الرسائل : 486 : تاريخ التسجيل : 30/09/2008
موضوع: رد: ((علمنا ازاى نعيد ثقتنا فيك تانى ياريس)) الجمعة 15 يناير 2010, 4:20 pm
يا جماعه السؤال هنا للكل مش للطير المهاجر بس
هل من مجيب؟؟
الموضوع دا كتبته من باب التعايش مع الواقع لان المسلم لابد ان يكون ملما بكل شئ الامور الدينيه وكذلك الامور الدنيويه